المساهمات : 104 تاريخ التسجيل : 12/07/2008 العمر : 75 الموقع : https://sa4ed.roo7.biz
موضوع: فيديو مضحكة الأربعاء يوليو 16, 2008 10:10 am
السلام عليكم ورحمة الله حي الله ارابيع جدونا <<اجاويد ربعنا >>بعضا من المتخرمات اولا اخباركم ..؟ اكيد كويسين وخاصة بعد تخصيص 91 سهم بشركة زين وانا والله لاشغلهم على حقي بالشركة بس خلوه تبدأ الشغل بدق كل ساعة على خدمة العملاء بشوفهم يشتغلون والا بس تبطح ونوم والواحد لازم ينتبه على حلاله<< تراه 91 سهم والله من الصرامة
<hr width=500 color=#808080 SIZE=1>
طيب كما عودناكم دائما نبدأ ببعض السوالف هذا واحد مشهور بالاستهبال والخبال كان ابوه الله يرحمه اعمى وكان ينام بالحوش وخوينا هذا ما كان يجي للبيت الا متأخر الموهيم انه ذاك اليوم حصل الباب مقفل وقام ونط من فوق الجدار ويوم نزل بقووة ابوه تنبه على صوت النزلة وقال من هنا قال خوينا الخبل : قرطاسة ابووه صدق ورجع نام هههههههههههههههه
<hr width=500 color=#808080 SIZE=1>
وهذي عجوز من الرس دايم تزعج ولده بالعطلة وتقول له خل نروح لمكة الموهيم انهم على هذي الحال لفترة وباحدى العطل العجوز ما قالت خل نروح لمكة والولد مستغرب ان امه ما قالت له وقال لامه : غريبة بالعادة تحبين تروحين لمكة بالوقت هذا قالت امه : خلاص يا وليدي فتح عندنا محل كل شيء بريالين ههههههههههههههههه يعني ما كانت تروح على شان الحرم
<hr width=500 color=#808080 SIZE=1>
وهذا واحد كان بالرياض وحصل احد المسؤولين بشركة الكهرباء بالرس ولزم عليه بالغداء لكن موظف الشركة قال والله اني معزوم على الغداء عند الوزير غازي القصيبي قال خوينا خلاص براحتك اجل الموهيم ان خوينا هذا وقف عند احد مطاعم الرز البخاري وحصل الموظف قاعد يتغدى ويدخل عليه ويقوله وين غازي القصيبي هههههههههههههه يعني موقف لا يحسد عليه وشووله الهياط
<hr width=500 color=#808080 SIZE=1>
وهذي سالفة اخيره للوالد الله يطول بعمره كان يشتغل على خط المدينة تبوك قبل اربعين سنة وكان راجع من الشغل للمدينة وتعطلت بووهـ السيارة وكان بوقت الحج الموهيم انه وقف السيارة على جنب وقعد ينتظر احد يمر وفجأة مر باص حجاج اتراك وركب معهم وعلى طول سألوه وين تبي تروح قال المدينة وسألوه انت من المدينة قال ايه وهو مهوب من المدينة لكن على شان يصرفهم يعني لو قالهم من الرس اكيد ما راح يعرفون الرس قالوا يعني انت جار النبي عليه الصلاة والسلام قال ايه قاموا يتبركون ويحبون ابووي على شان البركة قاموا وجابوا الفطور اللى معهم وقالوا تفل عليه على شان يتبارك الاكل وقام ابوي وقعد يتفل على اكلهم ههههههههههههه وقبل المدينة بشووي وقفوا وابوس ما يدري وش السالفة وقام كل واحد منهم يأخد حجر ويركزه لجهة القبلة وسالهم ليش تسووون تسذا قالوا على شان يشهد لنا الحجر اننا رحنا للحج وبرضوا ابوي مدري وش المبدا اللى يمشي عليه وقام يركز معه الاحجار
<hr width=500 color=#808080 SIZE=1>
طيب الحين شكلكم مليتوا من السوالف وجاء دور الفيديو دباب ابورجلين اليابانيين ما خلوو شيء واحد منسم مسووي دباب يمشي على اربع رجلين تحميل
<hr width=500 color=#808080 SIZE=1>
جوال وفم واحد يعيش حاله من الفراغ العاطفي واي فراغ يطري عليكم تحميل
<hr width=500 color=#808080 SIZE=1>
الوردي هذا واحد مدري من وين مطلع الجيب هذا وقاعد يفحط هوو وجهه تحميل
<hr width=500 color=#808080 SIZE=1>
غسيل السيارة واحد مستعجل مره بالمغسلة المقطع ضحك ضحك تحميل
<hr width=500 color=#808080 SIZE=1>
بعير وفي رواية جمل جندي امريكي يحاول الركوب على البعير ولكن جاب العيد وما نقول وش عرف البقر رقي الطويا
الأربعاء يوليو 16, 2008 10:10 am
